Пленковиќ: Би било добро уставните измени да се донесат со консензус

Премиерот на Хрватска, Андреј Пленковиќ, за време на заедничката прес конференција со премиерот Димитар Ковачевски рече дека уставните измени треба да го направат релевантните институции во државата, но оти е добро тие да добијат поддршка од сите партии и од народот.

Advertisements

„Она што мислам дека би било добро е да се постигне консензус зад кој може да застанат сите. Зад кој може, пред сѐ, да застане народот и нивните политички претставници и кои, според моето длабоко уверување, а јас го следам вашиот процес скоро 30 години, ќе ги намалат фрустрациите и ќе ги елиминираат неправдите кои се случуваат кон Северна Македонија во изминатите години“, рече Пленковиќ.