ВМРО ДПМНЕ: Скратувањето на процедурите за добивање на концесија е можност за корупција
Власта не прифати Коридорите 8 и 10Д да се градат со сегашните законски решенија за користењето на минерални суровини. Тие го отфрлија амандманот на ВМРО-ДПМНЕ во Комисијата за економски прашања.
На предлог на Владата се заобиколуваат досегашните постапки за избор на концесионер за тендер за минерални суровини. Постапката ќе помине во надлежните институции, Министерството и Комисијата формирана за таа цел, во Владата.
„Не можам да разберам зошто ВМРО-ДПМНЕ толку силно сака да ја пролонгира формата и начинот на изградба на овој коридор кога знаеме дека е коридор од државен интерес, а за мене како пратеник на ДУИ и како Албанец е и национален проект“, рече Бедри Фазли, ДУИ.
За ВМРО-ДПМНЕ скратувањето на патот за добивање на концесијата е можност за корупција.
Во соодветните комисии продолжува расправата за усвојување на нацрт-законските измени на 8 закони за олеснување на постапките за изградба на Коридорот 8 и 10Д.
Фатлуме Дервиши
