Ивановска: Фрапантни податоци за користењето на службените возила
Анализата за користењето на службените возила покажува фрапирачки резултати, вели во своето вечерашно гостување во емисијата „Економски Магазин“ на Алсат претседателката на Државната комисија за спречување на корупцијата, Билјана Ивановска. Како што рече таа, половина од службените возила се користат 24/7.
„Проблемот со службените возила не е мал. Не е само за Бујар Османи, туку е општ проблем во државата. Правевме порано анализа околу користењето на службените возила. Дојдовме до фрапантни заклучоци. Половина од возилата се користат 24/7…тоа е и за одење и враќање од работа…Се знае, пет луѓе се во државата кои што треба да користат 24 часовно возило. Тоа е тројцата претседатели и министрите за внатрешни работи и за одбрана. Толку“, вели Ивановска.
