Вратите на општина Aрачиново остануваат затворени
Општина Арачиново четири дена по ред останува затворена и не може да ги опслужува граѓаните. Тоа е од причина што, како што рече самиот градоначалник, Ридван Ибрахими, поради смртните закани што ги добиле тој и административците на Општината. Случајот и понатаму останува нерешен.
Градоначалникот Ибраими денеска беше недостапен да каже дали има добиено некаква гаранција од органите на прогонот да можат да продолжат со работа и дали одлучиле кога ќе се вратат на работа. Според безбедносните експерти вчерашната изјава на министерот за внатрешни работи, Оливер Спасовски, дека страните мора сами да се договорат, остава простор за мислење дека институциите не можат да дејствуваат поради политичко влијание во нив.
Според Ѓурчевски, ваквиот став на министерот за внатрешни работи не го решава проблемот туку ги турка партиите да предизвикаат уште поголем проблем.
За нападот и заканите кон градоначалникот на општина Арачиново, Ридван Ибраими, ги добил од страна на членовите на семејството на поранешниот градоначалник на оваа општина од истата партија, молчат и од ДУИ. Алсат се обиде да добие изјава од функционери на ДУИ, но тие не се достапни за разговор.
Мефаил Исмаили
