Алијансата за Албанците подготви над 120 амандмани во врска со буџетот за 2021 година, кои според пратеничката на оваа партија, Илире Даути, главно се потребите и барањата на граѓаните претворени во амандмани. Како што рече таа во вечерашното гостување во емисијата „Економски Магазин“ на Алсат, некои од нив се однесуваат на здравјето, но голем дел се однесуваат на инфраструктурата, како неопходност за подобар живот.
„Со приоритет ги видовме оние проблеми кои се актуелни во моментот, особено во областа на здравството. Конкретно во консултација со матични лекари и други лица кои се повикани на ова поле, побаравме набавка на мобилен кондензатор за кислород и кислородометар бидејќи од разговорот со лекарите се сметаше дека ова е најитна потреба од сите амбуланти целата територија на земјата, односно станува збор за амбуланти на републичко ниво. Додека амандманите во врска со инвестициите, инфраструктурата, водата за пиење, канализацијата, локалните, регионалните патишта и изградбата на автопатите, се презентираат како амандмани како потреби за кои се потребни итни решенија Имаме и многу амандмани во областа на образованието, бидејќи за жал имаме многу албански населби со училишта кои не ги исполнуваат основните услови за развој на наставата. Имаме и амандмани кои имаат врска со изградба на градинки“, рече Даути.
