Опозицијата не жали за содржината на амандманите
Опозицијата ги отфрла обвинувањата на парламентарното мнозинство за измените на Деловникот за работа на Собранието. Според нив, единствен начин да се блокира недостатокот на консензус е преку иронија. Пратеникот на Левица, Димитар Апасиев се сомнева дека парламентарното мнозинство подготвува терен за одобрување на договорот со Бугарија преку гласање од далечина.
Албанската опозиција има цврст став. Нивна цел е да го блокираат овој според нив, неуставен деловник.
„Деловникот за работа преку Интернет е спротивна на Уставот и ние немаме друг механизам освен со амандмани да ја блокираме оваа измена на деловникот. Се е јавно и транспарентно“, вели Скендер Реџепи, Алтернатива.
Од ВМРО-ДПМНЕ велат дека го прават она што СДСМ го направи во 2007 година.
На 18 јануари 2007 година, кога Владата беше предводена од Никола Груевски во Собранието, измената на Деловникот беше одобрена без консензус. СДСМ како опозиција во тоа време предложи 5000 амандмани. Алсат обезбеди и некои амандмани на партијата Левица преку кои пратениците на оваа партија иронизираат барајќи од претседателот на Собранието да го покаже растојанието во километри каде се наоѓа пратеникот што гласа од далечина, а оптичкиот кабел да биде обезбеден од генералниот секретар на Собранието.
Сè уште не е познато кога ќе биде свикана седницата на Комисијата за деловнички, мандатно и имунитетни прашања, бидејќи предложените амандмани сè уште се обработуваат. Според предложените измени, во случај некој пратеник да биде инфициран со Ковид-19, тој е должен да го извести претседателот на Собранието, кој му обезбедува право на глас од далечина само откако пратеникот ќе ја докаже својата изолација со решение од надлежен орган.
Адриан Керими
