Руските парламентарци усвоија закон со кој се забранува промена на полот и посвојување деца од трансродови лица.
Advertisements
„Оваа одлука ќе ги заштити нашите граѓани, нашите деца“, рече претседателот на Долниот дом на Парламентот, Вјачеслав Володин.
Промени во граѓанскиот статус, хируршки операции и хормонски третмани беа достапни во Русија по распадот на Советскиот Сојуз.
Како образложение се наведува желбата да се елиминира однесувањето кое е „девијантно и увезено од Запад“.
Предлог-законот помина на третото и последно читање. Сега тоа треба да биде потврдено од Горниот дом на Парламентот, Советот на Федерацијата.
Потоа следи потписот на претседателот Владимир Путин за да стапи во сила.
