СДСМ и Ковачевски гласале за „Адем Демачи“, а сега критикуваат
Покрај советниците на СДСМ во Чаир и Град Скопје, одлуката за преименување на улицата „Адем Демачи“ во Чаир ја изгласал и премиерот Димитар Ковачевски од улога на заменик-министер за финансии во 2021 година. Тогаш на владина седница поминала согласноста за менување на сите предложени имиња, вклучително и за „Адем Демачи“. Од ВМРО-ДПМНЕ велат дека Ковачевски сега лаже и манипулира.
Од Кабинетот на Ковачевски пред два дена го изразија своето незадоволство од промената на името на улицата во Чаир. Од таму рекоа дека „локалната самоуправа морала понапорно да ја заврши работата во изминатиот период и да изгради нова улица која ќе го именува според законските процедури“.
Од Владата денеска не одговорија на прашањето на Алсат дали ваквата реакција е резултат на немањето доволно информации затоа што оваа иста институција пред две години дала согласност за именувањето на оваа улица во „Адем Демачи“.
Но, СДСМ за сите последни случувања го обвинува Мицкоски.
Во меѓувреме, во одбрана на организаторите на посетата на Курти излегоа и другите албански опозициски партии.
„Ако има некој Македонец што мисли дека Албанците некогаш ќе пеат ‘Денес над Македонија се раѓа’, тој има сериозни проблеми со перцепцијата на реалноста сè додека оваа држава не ја разбира мултиетничката реалност туку инсистира на моноетничка. Македонски државни симболи. Ова нема никогаш да се случи. Што се однесува до загриженоста на претседателот Пендаровски, мора да истакнеме дека со ваквата реакција, напаѓајќи го Албин Курти, се чини дека ДУИ е зависна од него да го поддржи за кандидатура“, рече Охан Муртезани, Алтернатива.
Фатлуме Дервиши
