Парламентот не гласаше за потребата за менување на Уставот, седницата прекината
Собранието ја почна седницата со еден час доцнење. Спикерот Талат Џафери на почетокот ги појасни процедурите за расправата и веднаш го стави дневниот ред на гласање.
„Предложениот дневен ред го ставам на гласање. Ве повикувам да гласате. Гласале вкупно 117 пратеници. ‘За’ гласале 70 пратеници, ‘против’ 47 пратеници. Нема воздржани. Констатирам дека предложениот дневен ред е донесен“, рече Џафери.
Гласањето на само 70, а не 80 пратеници за дневниот ред ја возбуди македонската опозиција.
Во меѓувреме, во говорот пред пратениците, премиерот Димитар Ковачевски рече дека од осамостојувањето на државата, фокусот на С Македонија отсекогаш биле европските интеграции.
Ковачевски додаде дека ова е денот кога треба да стане јасно кој ѝ го сака доброто на државата, а кој не.
Алсат
