Никој нема да биде казнет ако не успее навреме да извади лични документи, вели Спасовски
Околу еден милион граѓани досега ги смениле своите лични документи, така што, според оваа динамика што ја имаме, сметам дека успешно ќе се заврши промената на сите лични документи, изјави министерот за внатрешни работи Оливер Спасовски одговарајќи на новинарски прашања на денешната прес-конференција.
Прашан дали граѓаните кои нема да успеат да извадат нови лични документи до предвидениот рок ќе бидат сакнкционирани, министерот кажа дека нема да има никаков проблем во навремено остварување на правата на граѓаните за вадење нови документи, а посочи и дека нема да се воведат никакви казни.
„Во ниту еден случај нема да станува збор за казнување на граѓаните ниту, пак, да трпат во остварување на своите права. Така што во континуитет како ќе се одвива состојбата со промена на документите такви одлуки ќе носиме, меѓутоа едно е важно дека одлуките секогаш ќе бидат во интерес на граѓаните“, додаде првиот човек на МВР.
