Од утре нови цени на горивата, Регулаторна го објави ценовникот
Од ноќеска на полноќ бензините и дизелот ќе имаат нови цени. Бензините еуросупер БС-95 поскапуваат за еден денар, а еуросупер БС-98 за 1,5 денари, соопштуваат од Регулаторната комисија за енергетика (РКЕ). Според оваа одлука, од полноќ, пак, поевтинуваат еуродизел (Д-Е V) за еден денар и екстра лесното масло за домаќинство (ЕЛ-1) за половина денар.
Новата цена на литар еуросупер БС-95 ќе изнесува 87,50 денари, 90 денари ќе чини литар еуросупер БС-98, а по 80 денари еуродизел (Д-Е V) и екстра лесното масло за домаќинство.
Со одлуката на РКЕ од полноќ се намалува и цената на мазутот М-1 НС, за 0,567 денари за килограм и килограм ќе чини 46,025 денари.
Со одлуката на РКЕ, малопродажните цени на нафтените деривати согласно Методологијата за формирање на цените, се намалуваат во просек за 0,04 проценти во однос на цените од 14 месецов.
