Влада: Охридскиот регион го задржа статусот во УНЕСКО

Охридскиот регион го задржа статусот светско наследство од универзална вредност, заштитено од УНЕСКО. Како што соопшти Владата, одлуката регионот да остане на листата е соопштена на 45-тата сесија на Комитетот за светско наследство на УНЕСКО, што се одржува во Ријад, Кралство Саудиска Арабија.

Advertisements

Според владиното соопштение, таквата одлука потврдува дека Комитетот ја препознал грижата на Република Северна Македонија за богатото охридско културно наследство и одговорноста кон Охридското Езеро.

-Комитетот ги уважи заедничките напори на Република Северна Македонија и Република Албанија за зачувување на престижниот статус на Охридскиот Регион како светско наследство, се наведува во соопштението.