Од ноќеска на полноќ дизел-горивата ќе имаат нова цена. Со одлуката на Регулаторната комисија за енергетика (РКЕ) дизелот поевтинува за два денари за литар, а цената на другите нафтени деривати останува иста.
Advertisements
Новата малопродажна цена на еуродизел БС (Д-Е V) ќе биде 81, а на екстра лесното масло за горење (ЕЛ-1) 80 денари за литар. Еуросупер БС-95 и понатаму ќе се продава за 81 денар за литар, еуросупер БС-98 за 83 денари за литар, а мазутот М-1 НС за 45,087 денари за килограм.
Со одлуката, како што велат од РКЕ, се врши намалување на малопродажните цени на нафтените деривати во просек за 0,97 отсто.
