СВЕТ
Републиканците нема да поддржат помош за Украина и Израел во пакет
Новоизбраниот претседател на Претставничкиот дом на Соединетите Држави, Мајк Џонсон, изјави дека финансирањето на Украина и Израел треба да се разгледува одвоено, навестувајќи дека нема да го поддржи пакетот помош од 106 милијарди долари на претседателот Џо Бајден за двете земји.
Advertisements
Во интервју за Фокс њуз, Џонсон рече дека се сретнал со Бајден и му рекол на тимот на Белата куќа дека консензусот меѓу републиканците во Домот е дека овие прашања треба да се разделат.
Бајден сака Конгресот да обезбеди дополнително финансирање од 106 милијарди долари, при што најголемиот дел од парите ќе бидат наменети за зајакнување на одбраната на Украина, а остатокот да биде поделен меѓу Израел, индо-пацифичкиот регион и безбедноста на границите.
