Со новиот буџет, за 2024 година, што веќе се креира и е во завршна фаза, ќе нема средства за повисоки плати на функционерите, рече денеска вицепремиерот за економски прашања Фатмир Битиќи.
Според Битиќи, избраните и именуваните функционери нема да се откажат од покачувањето на платите за 10 отсто, туку Владата ќе одлучи да нема зголемување.
Се работи на системско решение и наскоро, како што најави Битиќи, се очекува да биде доставен предлог до Владата.
Вицепремиерот истакна дека во 2025 година ќе има целосно нова методологија за плати според која, платата во јавниот сектор ќе се пресметува со истата методлогија по која се пресметува и платата на избраните и именуваните лица. Догодина, пак, јавниот сектор ќе го добие зголемувањето на платите што ќе го издејствува преку гранковите колективни договори кои, сепак, како што напомена, не може да бидат спротивни на начелата од Општиот колективен договор.
