По инцидентот во Собранието не се зборува за одговорност
Два дена по тензиите во Собранието и оштетувањето на опремата во пленарната сала, веќе не се зборува за одговорност. СДСМ и ВМРО-ДПМНЕ меѓусебно се обвинуваат за соработка со партијата на Апасиев. Најголемата партија на власт само вели дека нема да толерира вакви сцени.
„Суровоста на„ Левицата“ во Собранието докажа дека со „Левицата“ и нејзиниот коалиционен партнер ДПМНЕ, можни се само инциденти, насилство и хаос. Однесувањето на Левицата и ДПМНЕ кон Собранието е однесување кон државата, однесување кон граѓаните“, велат од СДСМ.
Од партијата на Мицкоски, пак, велат дека со помош на владејачките партии, Апасиев настојува да добие актуелност.
„Коалицискиот партнер на СДС и ДУИ, „ Левица“ и Димитар Апасиев го сака Хамас, му се поклонува на Енвер Хоџа, го крши Деловникот на Собранието и молчи за Онкологијата и францускиот предлог, како и за законите на ДУИ за коцкање. Театарската претстава на Левица во Собранието е сценарио договорено помеѓу ДУИ и СДС, за поттикнување конфликти од кои ДУИ и „Левица“ би добиле актуелност“, рекоа од ВМРО-ДПМНЕ.
Левица бара кривична одговорност за шефот на Собранието и службата на архивот.
Левица со над 2.400 амандмани најави блокирање на донесувањето на новиот Деловник на Собранието. Според нив, новиот деловник овозможува сите закони да се носат во забрзана постапка без можност за суштинска расправа и блокирање, му се даваат зголемени овластувања на претседателот на Собранието, ја легализира употребата на албанскиот јазик во собраниските процедури и го претвора Собранието во бирократско тело.
Инцидентот во Собранието се случи откако предлагачот, кој е претседател на Собранието, отфрли повеќе амандмани на пратениците од Левица.
Новиот Деловник беше одобрен со 83 гласа „за“ со поддршка на речиси сите други парламентарни партии. Тоа е резултат на петгодишниот дијалог Жан Моне со посредство на Европскиот парламент. Истиот ќе стапи на сила од следниот парламентарен состав.
Фатлуме Дервиши
