Јавен повик за реновирање на фудбалскиот стадион во Тетово
![](https://alsat.mk/mk/wp-content/uploads/2023/11/Stafdiumi_Tetove-Copy-780x470-1.jpg)
Градоначалникот на општина Тетово, Биљал Касами, го објави јавниот повик за реновирање на градскиот стадион. Станува збор за инвестиција од околу 600 милиони денари, која покрај стадионот ќе опфати и уредување на спортски терен, како и стадион во село Сараќино. Тендерот ќе биде отворен до 22 декември. По изборот на фирмата се очекува градежната постапка да трае три години. Стадионот има капацитет од 15.000 седишта и според планот на општината, најверојатно објектот ќе биде урнат и повторно изграден, но тоа ќе зависи од договорот со компанијата што ќе го добие тендерот.
„Во првата фаза од овој монументален проект е предвидено идејно решение за реконструкција на стадионот. Тоа ќе се изработи почитувајќи ги стандардите на УЕФА за инфраструктура на стадионите. Во предвид се земени и одредбите од регулативата за инфраструктурата на стадионите во нашата земја од страна на Фудбалската федерација. Покрај стадионот, во огласот се вклучени и други значајни проекти, меѓу кои спортско-рекреативен центар и спортски терен во село Сараќино. Ние како општина ги повикуваме сите домашни и странски компании кои се заинтересирани да конкурираат на јавниот оглас“, рече Биљал Касами- градоначалник на општина Тетово.