Времето денеска: Сончево, со мала облачност и умерен ветер

Преку денот ќе биде сончево со мала до умерена локална облачност и ќе дува слаб до умерен ветер од северен до северозападен правец, соопштија утрово од Управата за хидрометеоролошки работи (УХМР).

Advertisements

„Претпладне понекаде вдолж Повардарието ќе засилува северен ветер“, додаваат оттаму.

Од УХМР информираат и дека минималната температура ќе биде во интервал од -5 до четири, а максималната ќе достигне од пет до 10 степени.

Во Скопје времето ќе биде претежно сончево со слаб до умерен ветер од северен правец.

Минималната температура ќе се спушти до -3, а максималната ќе достигне до шест степени.