Младите од Демократското движење со критики до МОН

По бројните реакции во јавноста, особено на студентите и опозицијата, Министерството за образование го ревидираше Законот за субвенционирање на студентскиот оброк. Но, младите од Демократското движење оценија дека министерството и понатаму ги потценува студентите. Промената ја гледаат само како чин на притисок од јавноста и додаваат дека ваквите погрешни политики се при крај, а најсилниот удар на изборите во мај ќе го добијат од младите.

Advertisements

„Оваа промена ја гледаме само како акција под притисок на јавноста, што значи постапка само колку да се каже, а во реалноста стратегијата на целосно непочитување на најпогодените категории ја продолжува министерот за образование и наука, Јетон Шаќири, во овој случај, но и Владата воопшто. Студентите се најважната категорија во општеството од која зависи иднината на нацијата. А, вие, корумпираните властодршци, нив ги третирате со презир, не им давате ни учебници, а не пак, работни места или животен стандард. Ние, младите од Демократското движење, нема да молчиме. Повторуваме дека нашето барање е 300 денари за оброк дневно или 6.000 денари месечно, поголеми вложувања во образованието со цел да се создадат вистински услови за сите, а не министрите да имаат 3.000 евра месечни плати со зголемување од 78 проценти, а за учениците и студентите само милостина“, изјави Арбнор Малиќи, Млади од Демократското движење. /Алсат.мк