Конфискувани се повеќе од 44.000 притехнички средства
Конфискувани се повеќе од 44.000 притехнички средства
Над 44.000 пиротехнички средства се конфискувани од страна на полицијата, само во последната недела од изминатата година. Ова го соопшти министерот за внатрешни работи, Оливер Спасовски, според кој имало и апсења по овој и други основи на прекршок.
„Околу 50 лица се уапсени по различни основи, за недозволена трговија со дрога, нарушување на јавниот ред и мир, престој во државата без пријавување, трговија со пиротехнички направи, фалсификување зелени картони за автомобили и поседување оружје без дозвола. …Издадени се 3598 платни налози за сторени прекршоци во сообраќајот“, рече Оливер Спасовски, министер за Внатрешни работи.
Но, колку други пиротехнички средства влегле во земјата без да се конфискуваат. Прашањето го наметнува последниот случај со апсењето на Дрин Ахмети, внукот на лидерот на ДУИ, Али Ахмети, кој на 30 декември беше запрен откако во автомобилот што го управувал со албански регистарски таблички, беа пронајдени 749 петардни и огномети. Не е познато каде и како, Ахмети ги купил пиротехничките средства, за кои тврдел дека се законски обезбедени.
Директорот на Царинската управа, Стефан Богоев, не ја негира можноста ваквите случаи да и избегаат на царинска контрола.
Случајот на Дрин Ахмети полицијата го достави до Обвинителството. Доколку ОЈО одлучи дека не е сторено кривично дело, туку само прекршок, останува на МВР да изрече парична казна која може да се движи од 200 до 500 евра./Алсат.мк
Фатлуме Дервиши
