(ВИДЕО) Црн чад од Кривичниот суд во Лондон, евакуирана целата зграда
Централниот кривичен суд во Лондон е евакуиран поради сомневање за електричен дефект, пренесува Телеграф.
„Пожарникарите во моментов интервенираат по дојавите за чад забележан дека излегува од зградата“, изјавил портпаролот на лондонската противпожарна бригада.
„Ве молиме избегнувајте ја областа додека интервенираме“, додал тој.
Репортерот на Би-Би-Си вели дека има пожар во приземјето на судoт, а од задниот дел на зградата излегува црн чад со остар мирис.
Тој додаде дека сите светла трепкаат внатре во зградата и се изгаснале пред да се вклучи алармот за пожар.
Series of explosions heard from building next to Old Bailey for about 10 minutes before smoke emerges. Many buildings seem to have suffered power cuts. pic.twitter.com/GPnCs9cWAJ
— David Brown (@DavidhBrown) February 7, 2024
Работник во соседната зграда изјави за Би-Би-Си дека слушнал татнеж пред да се појави чадот.
Вчера три противпожарни возила и околу 15 пожарникари беа повикани поради пожар во Кралскиот суд на правдата. Огнот уништи дел од магацинскиот простор на приземјето.
