Тренерот на Копенхаген, Јакоб Неструп, ги сподели своите очекувања за денешниот натпревар против Манчестер Сити во осминафиналето на Лигата на шампионите. Тој ја призна класата на противникот, но истовремено е сигурен дека неговиот тим може успешно да му се спротивстави на актуелниот освојувач на трофејот.
Advertisements
„Знаеме каков тим е Манчестер Сити, но и нивните играчи се луѓе, како и оние на Баерн Минхен, Манчестер Јунајтед, Галатасарај со кои бевме во иста група. Ќе излеземе со јасна идеја дека имаме шанса да победиме. Со нетрпение го очекуваме натпреварот и знам дека атмосферата на стадионот ќе биде фантастична “, изјави Неструп.
Натпреварот меѓу ФК Копенхаген и Манчестер Сити се игра вечерва од 21 часот на стадионот „Паркен“.
