Селекторот на кошаркарската репрезентација на Македонија, Александар Јончевски, одбра 14 кошаркари со кои в понеделник ќе ги почне подготовките за првиот меч од квалификациите за ЕП 2025. На 23 февруари Македонија ќе се сретне со Естонија во салата СРЦ „Кале“ во Скопје.
Средбата против Естонија на 23 февруари на домашен терен ќе биде можеби и најважна за враќање на европска сцена и пласман на првото ЕП по пауза од десет години. Три дена подоцна, Македонија ќе ѝ гостуваме на Полска, која има двајца евролигашки кошаркари иако игра надвор од конкуренција бидејќи е еден од организаторите на континенталниот собир во 2025 година.
Во нашата група е уште и Литванија, која е најголем фаворит за првото место. Пласман на ЕП ќе обезбедат двете најдобри селекции во конкуренција на Македонија, Литванија и Естонија.
Војдан Стојановски – МЗТ Скопје Аеродром
Дамјан Стојановски – МЗТ Скопје Аеродром
Бојан Крстевски – МЗТ Скопје Аеродром
Дамјан Робев – МЗТ Скопје Аеродром
Марин Петков – МЗТ Скопје Аеродром
Андреј Магдевски – Пелистер
Андреј Маслинко – Пелистер
Амар Хот – Пелистер
Стојан Ѓуроски – Работнички
Виктор Ефремовски – Работнички
Ненад Димитријевиќ – Уникс Казан,Русија
Адем Мекиќ – Задар, Хрватска
Лејсон Зеќири – Башкими, Косово
Итан Хап – Гран Канарија, Шпанија
