Власта го иницираше, па го повлече, па сега ќе се консултира за Законот за надворешни работи
Партиите од парламентарното мнозинство ќе се консултираат со експерти за содржината на законот за надворешни работи по неговото повлекување од собраниската процедура. Одлуката беше донесена откако опозицијата најави дека ќе го блокира неговото усвојување со поднесување стотици амандмани. Тие се спротивставија поради одредбата што им овозможува на дипломатите да имаат по две државјанства. Предлогот предвидуваше дипломат со двојно државјанство да не биде назначен во земја каде има и државјанство.
Од ДУИ се надеваат дека наскоро ќе се постигне заеднички јазик со опозицијата.
„Ние сме во постојана комуникација со сите парламентарни партии и мислам дека со ваков пристап ќе можеме да ги деблокираме нацрт-законите што се во собраниска процедура.“
Албанската опозиција немаше конкретни забелешки за прашањето за двојното државјанство на амбасадорите, но ќе ја чекаат втората верзија на власта и ќе изградат став.
„Сметаме дека имаше простор и за амандмани и за верзијата за идниот амбасадор да има две државјанства, но имаше простор и да се спротивставиме на тоа. Сепак одлуките ќе бидат донесени со предлогот што ќе го поднесе уште еднаш Министерството за надворешни работи.“
Законските измени беа доставени од претходното парламентарно мнозинство, но не беа одобрени поради распуштањето на Собранието.
Mefail Ismaili
