Во зградата на старата берза во Копенхаген, една од најпознатите згради на данската престолнина од 17. век, избувна пожар и ја урна грандиозната купола врз покривот.
Засега нема извештаи за повредени.
Снимките во живо од локалните медиуми покажаа дека луѓето носат големи слики надвор од зградата за да ги спасат од пламенот.
Историската зграда, чија кула имаше облик на испреплетени опашки на четири змејови, беше во реновирање кога избувна пожарот.
Во зградата, изградена во холандски ренесансен стил, повеќе не е сместена Данската берза, туку служи како седиште на данската стопанска комора, пишува Гардијан.
BREAKING:
Denmark is having its “Notre Dame moment”
The historical Børsen Stock Exchange building in Copenhagen is on fire.
It was built in 1625 and is one of the city’s most beautiful buildings with its elegant spire
Yesterday was the 5th anniversary of the Notre Dame fire pic.twitter.com/8j6bPsHvaD
— Visegrád 24 (@visegrad24) April 16, 2024
„Нѐ пречека страшна глетка. Берзата гори“, пишуваше на профилот на ДГК на социјалната мрежа Икс.
Полицијата во Копенхаген побара од луѓето да избегнуваат возење низ овој дел од градот.