Бројот на луѓе кои ги напуштаат своите домови поради војна, насилство и прогон достигна 114 милиони и се зголемува бидејќи нациите не успеаја да се справат со причините, а борците одбиваат да се усогласат со меѓународното право, изјави шефот на ОН за бегалци, Филипо Гранди.
Гранди го критикуваше Советот за безбедност на ОН, кој е задолжен за одржување на меѓународниот мир и безбедност, дека не го користи својот глас за да се обиде да ги реши конфликтите од Газа, преку Украина и Судан до Конго, Мјанмар и многу други места.
Тој, исто така, обвини некои земји дека носат „краткогледни надворешнополитички одлуки, кои често се засноваат на двојни стандарди“, пишува АП.
Гранди рече дека непочитувањето на меѓународното хуманитарно право значи дека „страните во конфликт, сè повеќе, речиси насекаде престануваат да ги почитуваат законите на војната“, иако се преправаат дека го прават тоа.
Тој додаде дека резултатот е поголем број цивилни смртни случаи, користење на сексуалното насилство како оружје за војна, напади и уништување на болниците, училиштата и другата цивилна инфраструктура.
