Почнал да еруптира Килауеа, еден од најактивните вулкани во светот, соопштила Опсерваторијата за хавајски вулкани на Американскиот геолошки институт.
Ерупцијата е на нешто повеќе од еден километар јужно од Килауеа Калдера, во област во рамките на Националниот парк на вулкани на Хаваи, која е затворена за јавноста од 2008 година поради опасност од пукање на земјиштето, како и лизгање на камењата.
The first helicopter overflight of Kīlauea’s new SW rift zone eruption site at 6 AM HST on June 3, 2024 showed lava fountaining from 1 km (0.5 mi)-long fissures and volcanic gases blowing downwind. See the latest eruption update & Alert Level changes at https://t.co/N6WsRzP7sL pic.twitter.com/xlggUpxzdb
— USGS Volcanoes🌋 (@USGSVolcanoes) June 3, 2024
„Од видео снимките се гледа како лава излегува од пукнатините. Ерупцијата е во тек, но позитивно е тоа што се случува на оддалечена локација во Националниот парк. Нема закана по населението, како и од нарушување на инфраструктурата на околината“, велат од Опсерваторијата за хавајските вулкани.
Сепак, оттаму посочуваат и дека ерупцијата може да го покачи нивото на гасови во воздухот и со тоа на жителите во околните места да им предизвика потешкотии во дишењето.