ДУИ усвои три резолуции – за легитимноста и за меѓународните договори
ДУИ на Генералното собрание на партијата донесе три резолуции со кои повикува на заштита на легитимитетот, неопходно спроведување на договорите со меѓународни гаранции и резолуции за политичкото организирање.
Резолуциите на состанокот на ДУИ:
Резолуција 1: Легитимност:
Резолуција 2: Резолуција за неопходноста од спроведување на Охридскиот договор, Договорот од Преспа и Договорот за добрососедство, заедно со уставните измени
Резолуција 3: Резолуција за нашата политичка организација:
Резолуцијата за легитимност се однесува на како што пишуваат „вознемирувачката ситуација, создадена поради непочитување на политичката волја на Албанците како втора по големина заедница во државата“.
Резолуцијата за неопходноста од спроведување на Охридскиот договор, Договорот од Преспа и Договорот за добрососедство, заедно со уставните измени, се однесува на безусловното почитување на овие договори заедно со повикот упатен до „меѓународната заедница и релевантните институции да ја поддржат Северна Македонија во спроведувањето на овие договори, обезбедувајќи ја потребната помош и надзор за да се обезбеди нивно исполнување“.
ДУИ ја одобри и таканаречената резолуција за политичка организација во која се даваат препораки за продолжување на политичкото организирање на ДУИ, организирање на внатрепартиската дебата и бранење на идејата дека ДУИ е субјектот што ја претставува втората по големина заедница во државата.
На генералниот состанок, партијата на Али Ахмети, што го води Европскиот фронт, повтори дека со загриженост според ДУИ ја следи „понижувачката позиција на таканаречените албански претставници во владата кои непоправливо ги оштетиле достигнувањата“.
Адриан Керими
