На Рамадани му е одреден екстрадициски притвор од 30 дена
Поранешниот војник на ОВК, Блерим Рамадани, кој синоќа беше приведен на граничниот премин во Јажинце е испратен во екстрадиционен притвор од 30 дена во истражниот затвор во Шутка.
Меѓународната потерница издадена од Србија во Интерпол е прифатена од Кривичниот суд и Рамадани следните 30 дена ќе биде во затвор. Предлозите за мерката на претпазливост ги издаде Обвинителството за организиран криминал. Приведувањето на Рамадани ја потресе владата и опозицијата.
„Оваа Влада која сега за жал ја игра играта на другите и станува маша на другите и маша на Србија, со жалење морам да кажам дека спроведуваат некои работи што можеле лесно да се надминат и поранешните војници на ОВК да се движат слободно во Македонија. Во меѓувреме, имаме министер кој целосно го поддржува Путин и не прифаќа независно Косово“, рече Садула Дураку, пратеник на Европскиот фронт.
Во меѓувреме, коалицијата ги потсети ДУИ и Европскиот фронт за состојбата на многу војници на ОВК во затворите во Северна Македонија.
„Ние сме во постојан контакт со Амбасадата на Косово за решавање на предметниот случај, но коалицијата Европски фронт е подобро да направи ретроспектива во минатото за тоа колку била заинтересирана за поранешните војници на ОВК. Ќе се осврнам на случајот на Бетим Кабаши кој издржува казна во затворот Идризово и кој боледува од цироза. Ги презедовме сите мерки за да му обезбедиме поквалитетна медицинска услуга без оглед на делото за кое издржува казна затвор“, рече Ријад Шаќири, пратеник на Коалицијата ВРЕДИ.
Србија, во својата национална стратегија за судење на воени злосторства за периодот 2021-2026 година, тврди дека има надлежност да ги изведе пред правдата злосторствата извршени за време на вооружените конфликти во 1990-тите. Косово и Србија постигнаа Договор за меѓусебна правна помош во 2013 година, со посредство на Европската унија, но речиси немаше соработка меѓу нив за случаите на воени злосторства. САД повикаа на фер судење за луѓето уапсени под обвинение за воени злосторства во Србија.
Адриан Керими
