Граѓаните се жалат дека речиси секојдневно на полиците на продавниците или дури и на маркетите наидуваат на расипани или истечени производи. Со оглед на тоа што температурите се многу високи, особено внимаваат при купување храна, особено млечни и месни производи.
„Има производи со поминат рок во продавниците, но ги гледаме… Не, сум се пожалил, каде да се жалам, подобро да ги видиме сами“…
„Кога одам, ги гледам, но некои што ги купив вчера беа сите скапани, во продавницава овде, а платив 180 денари… Оди на пазар и види ги доматите, одозгора се добро наредени, но доле се сите скапани, краставиците исто. Нема ни инспектор ни ништо…“, реагираат граѓаните.
Од Агенцијата за храна и ветеринарство велат дека покрај планираните контроли се вршат и вонредни контроли, како резултат на поплаки од граѓани и правни лица. Тие најавуваат засилени контроли во прехранбената индустрија.
Агенција за храна и ветеринарство:
„Агенцијата за храна и ветеринарство ги засилува инспекциските контроли со порастот на температурите, со посебен акцент на летните туристички центри, каде што има зголемување на бројот на туристи. Зајакнатите контроли ќе ги опфатат сите категории оператори кои се занимаваат со храна, особено ресторани, ќебапчилници, слаткарници, месарници и други оператори кои произведуваат, транспортираат и тргуваат со лесно расиплива храна.”
Во моментов оваа агенција врши инспекциски надзор но велат дека за комплетна контрола се потребни најмалку 40 инспектори.
Ајнур Бафќари
