Филипче ја признава грешката за измените во Кривичниот законик
Филипче ја признава грешката за измените во Кривичниот законик
Претседателот на СДСМ, Венко Филипче, признава дека СДСМ и ДУИ направиле грешка со измените на Кривичниот законик. Филипче, чија партија го бранеше Кривичниот законик одобрен во септември минатата година и за чија верзија се повикуваше на европските практики, сега бара Владата да иницира нови измени и да ги врати одредбите за злоупотреба на службената должност.
Последниот извештај на Европската комисија за Македонија упати остри критики за измените во Кривичниот законик, опишувајќи ја оваа постапка на претходниот владин состав како сериозен удар врз судството и мотив за корупција.
Извештајот на Европската комисија за Северна Македонија
„Постои сеопфатна национална стратегија против корупцијата, но нејзиното спроведување заостанува. Високиот ризик од корупција преовладува во многу области. Неодамнешните измени во Кривичниот законик ја ослабеа правната рамка, негативно влијаејќи на гонењето на корупцијата, особено во случаите на корупција на високо ниво. Ограничувањата на ресурсите и недостатокот на соработка меѓу националните власти го попречуваат ефективно гонење на корупцијата“.
Измените одобрени во септември доведоа до апсолутна застареност на некои кривични дела кои се однесуваа на обвиненијата на поранешното Специјално обвинителство. Владата при носењето на олеснителните одредби не ги зеде предвид правните трошоци, а уште помалку можноста за тужби против државата за неправилно гонење на поранешни корумпирани функционери.
