АЦВ: Безбедносните служби на скопскиот аеродром постапиле професионално во инцидентот со косовската претседателка

Објавен е извештајот за инцидентот од 1 август на скопскиот аеродром. Од Агенцијата за цивилно воздухопловство велат дека безбедносните служби на скопскиот аеродром постапиле професионално и согласно меѓународните правила во врска со случајот со претседателката на Косово, Вјоса Османи. Според Агенцијата, тимот на инспектори не констатирал неправилности, а се истакнува дека ова не е прв пат Вјоса Османи да одбила безбедносни проверки на аеродромот.

Advertisements

„Тим инспектори од Агенцијата за цивилно воздухопловство изврши низа проверки на докази и исклучителен надзор во „ТАВ Македонија, во врска со недоличниот инцидент во кој е вмешана претседателката на Косово, Вјоса Османи. Утврдено е дека аеродромските служби, надлежни за безбедносни контроли, во рамките на своите работни обврски постапувале професионално, не дозволувајќи избегнување на стандарди и процедури, дури ни под влијание на лицата кои ја  придружувале патничката. Одбивањето да се спроведат стандардни безбедносни проверки со истите патници, според доказите, се случило и во 2022 и 2023 година, кога безбедносните проверки биле прифатени дури откако водачот на воздухопловството одбил да прима патници без безбедносна проверка. Како независно регулаторно тело би сакале да останеме настрана од политички судири за овој несоодветен случај“, се наведува во соопштението на Агенцијата за цивилно воздухопловство”, велат од АЦВ.

Реагираше претседателството на Косово, од каде повотрија дека биле прекршени меѓународните правила.

„Во ниту една земја во светот од шефот на државата не се бара да го предаде својот телефон на скенирање. Во другите земји не се проверува ниту личниот багаж ниту личната торба на шефот на државата, а камоли личниот телефон. Од десетиците земји што ги посетивме до денес, РСМ е единствената земја во светот која одбива да го примени меѓународното право и конвенциите што се однесуваат на шефот на државата. Претседателката ја ставила чантата на проверка и го поминала скенерот. Секоја друга изјава е пропаганда за политички цели. Нема ништо професионално во однесувањето на обезбедувањето кој застанува пред шеф на една држава и го блокира движењето откако ќе ја стави чантата во скенер“, се вели во реакцијата на претседателството на Косово”, велат од претседателството на Косово.

Инцидентот на скопскиот аеродром се случи на 1 август кога претседателката на Косово, Вјоса Османи, патувала за Љубљан.  Османи побарала помош од спикерот Африм Гаши, кој ги испратил свои телохранители да го решат случајот. МВР пред неколку дена поднесе кривична пријава против шефот на обезбедувањето на спикерот Гаши. Тој е суспендиран од работа и ќе одговара за нарушување на безбедноста. Дисциплинска постапка е поведена и против двајца полицајци. /Alsat.mk