Се спогоди и врховниот судија Наќе Георгиев – ќе одлежи 3 години затвор
Три години затвор за врховниот судија Наќе Георгиев, кој во мај годинава беше фатен на дело како зема мито од 10.000 евра, за да влијае на олеснување на судскиот процес против поранешниот градоначалник на Ново Село, Боро Стојчев, кој е обвинет за трговија со наркотични средства.
Обвинителство за гонење на организиран криминал и корупција:
„Со потпишување на предлог-спогодбата, осомничениот Н.Г. не негира дека сторил кривично дело, и сметајќи дека за ова дело е предвидена казна затвор од 1 до 10 години, се согласил да му биде изречена казна затвор од 3 години, но и забрана за вршење должност, дејност или обврска на службено лице во времетраење од три години“.
Вчера беше постигнат договор со второосомничениот, Иџет Мемети, кој беше член и заменик претседател на Советот на обвинители. Мемети, според обвинението, имал телефонски и разговори со Георгиев и синот на Стојчев, за да гарантира дека ќе го употреби неговиот авторитет за договор со обвинителството за изрекување на пониска казна од предвидената од судот.
Мемети, и покрај тоа што ги демантираше обвиненијата на Обвинителството, вчера доброволно го призна делото за кое е обвинет. Тој се согласи да биде осуден на 1 година условно и доби забрана за вршење на службена должност во период од три години.
Обвинителство за гонење на организиран криминал и корупција:
„Осомничениот со потпишување на предлог договорот ја призна вината и го призна кривичното дело. Тој, по претходен договор со првоосомничениот, го искористил своето влијание како потпретседател и член на Советот на обвинители и во текот на април и мај 2024 година, преку судијата Н.Г. му кажал на сведокот дека наводно интервенирал да не се поднесе предлог обвинение против таткото на сведокот, осомничен за неовластено пуштање во употреба на наркотични средства„, велат од Обвинителството за гонење на организиран криминал и корупција.“
Мемети беше министер за правда, Уставен судија, Народен правобранител, а од неодамна и член на Советот на јавни обвинители.
Суад Бајрами
