Лина Ѓорческа елиминирана во првото квалификациско коло на УС Опен

Најдобрата тенисерка oд Македонија, Лина Ѓорческа загуби во првото квалификациско коло на УС Опен од Јулија Риера од Аргентина со 2-0 во сетови 7-6(4) и 6-3.

Advertisements

Лина одлично го почна мечот со извонредна шанса да го освои првиот сет. Имаше предност од 3-0, беше и 4-1 за македонската тенисерка, но потоа следуваше пад во играта. Риера направи серија од 5-1 и поведе со 6-5. Следниот гем го доби Ѓорческа, по што сетот се решаваше во тајбрејк. Во тајбрејкот аргентинката беше подобра со 7-4.

Во вториот сет беше нерешено со до 3-3, но во осмиот гем Риера направи брејк по што го приведе мечот кон победа.