Зеленски го истакна херојскиот отпор на неговиот народ на неиспровоцираната инвазија од Русија додека земјата го слави Денот на независноста на 24 август
Зеленски го истакна херојскиот отпор на неговиот народ на неиспровоцираната инвазија од Русија додека земјата го слави Денот на независноста на 24 август
Украинскиот претседател Володимир Зеленски го истакна херојскиот отпор на неговиот народ на неиспровоцираната инвазија од Русија додека земјата го слави Денот на независноста на 24 август.
Украинците ја слават независноста додека украинските сили започнаа ненадеен упад во руската област Курск, која се граничи со Украина. Киев вели дека сега контролира 92 населби и 1.260 квадратни километри руска територија. Украина вели дека упадот, кој ја изненади Москва и ги шокираше лидерите на руската елита, има за цел да создаде безбедна зона во Русија за да ги заштити украинските цивили од руските бомбардирања преку границата.
Најмалку пет лица загинаа денеска, а уште пет се повредени во руски напад врз градот Константиновка во источна Украина.
Константиновка се наоѓа во близина на зоната на активни борби во областа Доњецк, каде руските сили напредуваат со месеци.
Амбасадата на Украина во Северна Македонија денес со пригодна свеченост која започна пред споменикот на Тарас Шевченко и продолжи во Алејата Украина во центарот на Скопје го одбележи 24 Август – Денот на независноста на Украина.
