Тошковски апелира старите возачки дозволи да се променат до крајот на годинава

Сите граѓани кои имаат возачки дозволи со старото име на државава да пристапат кон обновување на истата, апелираше министерот за внатрешни работи Панче Тошковски, потсетувајќи дека старите возачки дозволи ќе важат до крајот на оваа година.

Advertisements

– Досега се издадени 750 000 возачки дозволи со новото уставно име. Потребно е да се издаде уште одредена бројка да се стигне до милион возачки дозволи со новото име. Ги замолувам во наредниот период од неколку месеци сите оние кои имаат возачки дозволи со старото име да пристапат кон обновување на истата, затоа што согласно измените на законот, старите возачки дозволи ќе важат до крајот на оваа година, рече Тошковски.