Уставен носи одлука за Законот за јазици, со пробиени рокови
Предметот формиран по иницијативите за оспорување на уставноста на Законот за употреба на јазиците, е чуван пет години во фиоки, а во октомври се очекува да се донесе одлука дали ќе биде целосно укинат, делумно или ќе се дозволи да продолжи да се користи како што е во моментов.
Судот, кој е должен да ја штити уставноста и законитоста, по сопствена иницијатива, или по претставки на физички и правни лица во државата, денеска тврдеше дека тоа се должи на недостигот на судии и големиот обем на предметот. Сепак, постапката за тоа како Уставниот суд прима, процесира или одобрува одлука е јасно опишана во Актот на Уставниот суд, со кој се уредува начинот на работа и постапката пред Уставниот суд.
Предметот во Уставен се формира по поднесувањето на иницијативата или иницијативите за одреден закон или општ акт, додека Генералниот секретар го распределува предметот кај соодветниот судија.
Член 11 став 1 од Актот на Уставниот суд:
„Генералниот секретар на Уставниот суд ги известува и распределува предметите во согласност со времето на приемот на претставката и азбучниот ред на презимињата на судиите.
Согласно Законот, судијата и советникот на кои им е доделен предметот ја спроведуваат предистражната постапка, откако ќе ги соберат потребните податоци за одлучување по барањето за поведување на постапката. Најдоцна во рок од 7 дена судијата и советникот се должни да започнат со преземање на дејствија во претходна постапка.
Следно, судијата и советникот мора да подготват реферат за предметот.
Член 29 од Актот на Уставниот суд:
„Најдоцна во рок од шест месеци од денот кога предметот е предаден за работа, се доставува реферат за рочиште, во спротивно, се известува Судот за причините за пречекорување на рокот“.
Рефератот го содржи времето на поднесување на иницијативата, видот на барањето и од кого е поднесено, какви подготовки се направени, кои се правните и фактичките спорови кои биле презентирани во текот на работата на предметот, мислењето и судскиот предлог за начинот на решавање на поднесеното барање.
Предметот за Употребата на јазикот токму тука е заглавено. Поточно, во 2022 и 2023 година, Судот има донесено заклучок да не се одлучува по него до комплетирање на 9-члениот состав на Судот. Но, по комплетирањето на составот на Судот, судијата кој работеше на овој предмет замина во пензија. Судијата, како што велат од Уставниот суд, побарал дополнително време бидејќи предметот е обемен.
Со доаѓањето на Дарко Костадиновски на чело на уставен, беше најавено дека предметот ќе биде ставен на дневен ред на седница во октомври, која, според најавата, ќе ја свика самиот претседател.
Суад Бајрами
