Реформските агенди на земјите кои се вклучени во Планот за раст на Западен Балкан, ќе бидат главна тема на работниот ручек кој, претседателката на Европската комисија (ЕК), Урсула фон дер Лајен, денеска, 19 септември, го организира во Брисел.
Advertisements
Според портпаролката на Европската комисија, Ана Писонеро, тоа ќе биде можност да се разгледаат односите со земјите од регионот и соработката во контекст на Планот за раст за Западен Балкан.
Писонеро вчера потврди дека Европската комисија работи на проценката на реформските агенди што сите земји, освен Босна и Херцеговина, навремено ги доставија до Европската комисија.
Усвојувањето на реформските агенди е предуслов за почеток на исплата на финансиската помош од ЕУ.
