Турција го обвинува Израел за ширење на војната од Газа во Либан

Турција во четврток (19 септември) го обвини Израел дека сака да ја прошири војната од Појасот Газа до Либан, откако серијата експлозии ги погодија упориштата на милитантната Хезболах, која САД ја прогласија за терористичка организација.

Advertisements

Турскиот министер за надворешни работи Хакан Фидан изјави дека „ескалацијата во регионот е алармантна“, пренесува агенцијата Франс прес.

„Гледаме дека Израел чекор по чекор ги засилува своите напади врз Либан“, рече Фидан на државната ТВ ТРТ.

Оваа недела, десетици луѓе беа убиени, а илјадници беа ранети во напад на комуникациски уреди што ги користеа оперативците на Хезболах.

Турција го обвини Израел за експлозиите.