Во сите судови во земјава е инсталиран системот за аудио и видео снимање на судските постапки со цел да се зголеми транспарентноста и да се исполнат стандардите за правично и коректно судење. Министерот за правда Игор Филков ова го нарече само симболичен придонес за реформите во правосудството, кои требаше да се случат пред години, но кривичниот, граѓанскиот и управниот суд не го направија тоа и покрај законската обврска.
Претседателката на Судскиот совет, Весна Дамева, ги повика сите граѓани да пријават во Советот, во случај некој суд да не го користи системот во текот на судската постапка.
Претседателот на Управниот суд Бурим Сејдини рече дека со овој систем ќе се зголеми довербата на граѓаните во правосудните институции.
„Имплементацијата на системот за аудио и видео снимање на судски дискусии несомнено ќе придонесе за зголемување на правната сигурност на граѓаните. Тоа претставува сериозен чекор за зголемување на довербата во судскиот систем како и зајакнување на принципот на владеење на правото“,рече Бурим Сејдини, претседател на Управен суд.
Системот кој ја чинеше државата 21 милион денари го финансираше Судскиот буџетски совет. Истиот со години се користи во многу судски, владини и финансиски институции, организации за јавна безбедност, аеродроми, електрани итн./Алсат.мк
Суад Бајрами
