Израелската армија: Иран истрела ракети кон Израел
Израелската армија: Иран истрела ракети кон Израел
Израелската војска соопшти дека ракети биле истрелани од Иран кон Израел. Сирените се огласија низ Израел.
Израелските одбранбени сили (ИДФ) ги повикуваат Израелците „да останат внимателни и прецизно да ги следат упатствата на командата“.
„Откако ќе ја слушнете сирената, мора да влезете во заштитеното подрачје и да останете таму до понатамошно известување“, стои во наредбата.
Сирените продолжуваат да се огласуваат низ Израел поради иранскиот ракетен напад. Некои медиуми во Израел сугерираат дека во нападот биле истрелани повеќе од 100 проектили. Снимките покажуваат пресретнување и шрапнели како паѓаат над Израел.
Експлозии се слушаат над Тел Авив и сирените ечат низ градот. Тел Авив е најголемата урбана и економска метропола на Израел. Експлозии се слушаат и во Ерусалим, изјавија очевидци за Ројтерс.
