(ВИДЕО) Американска бомба од Втора светска војна експлодира на аеродром во Јапонија
Американска бомба од Втората светска војна експлодираше на јапонски аеродром, која била закопана под патека што ја поврзува аеродромската зграда со пистата на аеродромот.
Експлозијата остави голем кратер и доведе да се откажат повеќе од 80 летови, но нема повредени, соопштија јапонските власти.
Во моментот на експлозијата на аеродромот Мијазаки во југозападна Јапонија немало авиони во близина, соопштија властите, додавајќи дека е во тек истрага зошто експлодирала бомбата тешка 225 килограми.
Видеото снимено од надзорната камера на воздухопловното училиште во близина покажува како експлозијата фрла парчиња асфалт во воздух.
🌐 Breaking News: Explosion at Miyazaki Airport? ✈️💥
This morning, an explosion was reportedly captured on the information camera at Miyazaki Airport at 7:58 AM, sending plumes of dust into the air.
The airport office has confirmed that a sinkhole was found on the taxiway… pic.twitter.com/LPwA0VKsPp
— Currently JAPAN (@Currently_JAPAN) October 2, 2024
Голем број неексплодирани бомби фрлени од американската војска за време на Втората светска војна се откопани во областа, соопштија претставници на Министерството за одбрана.
Стотици тони неексплодирани бомби сè уште се закопани низ Јапонија.
