Дарко Чурлинов поради повреда скоро еден месец беше надвор од терените, но неговиот кам-бек го круниса на најдобар можен начин – со гол за победа на Јагјелонија.
Advertisements
Полскиот тим гостуваше кај Копенхаген во рамките од првото коло во Конференциската Лига на УЕФА, а со голот на Чурлинов извојува голема победа од 1-2.
Чурлинов натпреварот го започна од клупата за резерви и шанса доби во 55. минута, а клучниот момент се случи во 98. минута, кога излезе сам пред домашниот голман и со прецизен удар ја смести топката во мрежата за огромна радост на полските навивачи на „Паркен“.
