Шведската кралска академија на науките денеска ги објави имињата на добитниците на Нобелова награда за физика и за медицина.
Овогодишни добитници на Нобеловата награда за физика се Џон Ј. Хопфилд и Џефри Е. Хинтон „за фундаментални откритија и пронајдоци кои овозможуваат машинско учење со помош на вештачки невронски мрежи“.
Додека американските научници Виктор Амброуз и Гери Рувкун, добитниците на овогодишната Нобелова награда за медицина за откривањето на микроРНК, односно фундаменталниот принцип што ја регулира активноста на гените.
Во Стокхолм утре ќе биде објавено името на добитникот на наградата за хемија, в четврток ќе биде соопштен добитникот на Нобеловата награда за литература, а на 14 октомври ќе биде обелоденето името на добитникот на Нобелова награда за економија.
Додека на 11 октомври во Осло ќе биде објавено името на овогодишниот добитник на Нобеловата награда за мир.
Наградите ќе бидат доделени во Стокхолм и во Осло на 10 декември, на годишнината од смртта на шведскиот научник Алфред Нобел.
