ВЛЕН вели дека имало подготвен нацрт-закон за правична етничка застапеност
Министерството за администрација треба да работи на решение кое ќе му даде правна форма на уставното начело за правична и соодветна застапеност, вели министерот за дигитална трансформација, Стефан Андоновски. Според него, одговорноста за почитување на овој принцип се чини дека е фокусирана на првиот човек на релевантната институција.
Координаторот на пратеничката група на ВЛЕН Халил Снопче вели дека без разлика на одлуката на Уставниот суд, за пет-шест недели ќе предложат нов Закон.
„Го имаме нацртот, готов е. Можеме да го предложиме и денеска, но сакаме да имаме јавна дебата со стручни лица и експерти за да ги земеме предвид нивните забелешки, да не правиме забуни бидејќи тоа е чувствителен закон и не треба да има грешки. т.е. целта е да се вклучат експертите и потоа да се направи предлогот. Со ова не сакаме да правиме политичка кампања, туку да го решиме проблемот“, вели Снопче.
Од Министерството за администрација, пак, велат дека до сега нема информации за подготовка на некој нов закон. Укинувањето на балансерот, според Европскиот фронт, е спротивно на Охридскиот договор. Според нив, залудно е да се зборува за нов законски предлог за правична и соодветна застапеност кога нема ништо конкретно.
Од СДСМ до сега нема реакција за укинувањето на балансерот.
Фатлуме Дервиши
