Цените на здравствените улсуги на приватните клиники недостижни за мнозинството граѓани

Граѓаните се жалат на високите цени на медицинските услуги, особено во приватните клиники. Велат дека едвај можат да си дозволат да ги купат основните лекови што се потребни за месецот, а камоли да посетат лекар за здравствените проблеми што ги имаат. Граѓаните се загрижени дека за да одат на приватни клиники треба да имаат многу пари, додека во државните клиники треба долго да чекаат бидејќи нема бесплатни термини.

Advertisements

Министерството за здравство, во соработка со Министерството за социјална политика, демографија и млади, ќе иницира нова стратегија за семејствата со социјална помош која ќе опфати олеснување на пристапот до здравствени услуги, како во јавниот така и во приватниот сектор.

„Овие мерки имаат за цел да го намалат финансискиот товар на овие семејства и да ги подобрат здравствените услуги. Во однос на поставувањето маржи за здравствени услуги во приватните клиники, Министерството внимателно го испитува ова прашање. Нашата цел е да постигнеме рамнотежа што ќе обезбеди пристапни услуги за граѓаните, без да се загрози квалитетот на услугите што се даваат во приватниот сектор. Ги разгледуваме опциите кои може да вклучуваат корекции на цените за некои основни услуги, додека секогаш одржуваме партнерство и соработка со приватниот сектор во корист на пациентите“, велат од Министерство за здравство.

Светската здравствена организација неодамна соопшти дека останува загрижувачки фактот за високите трошоци за здравствените услуги, особено за лековите. Според СЗО во 2018 година, 18 отсто од трошоците на граѓаните биле за лекови, додека 22 отсто вкупно за здравствени услуги./Алсат.мк

Линда Ебиби