Од предвидените 75 канцеларии за контакт со граѓаните, во функција се само 25
Должност на пратениците е најмалку еднаш неделно, да се сретнат со граѓаните и да ги слушнат нивните предлози, барања и потреби. За таа цел, Собранието има должност да обезбеди простор за пратениците во секоја изборна единица. Ги прашавме дали имаат пристап до вакви објекти и во кои општини. Од таму ни кажаа дека од предвидените 75 канцеларии, 25 се отворени од септември.
Одлучивме да ги посетиме канцелариите на изборните единици 1 и 2. Во изборната единица број два, пратениците на ВРЕДИ го користат просторот на Градоначалникот на Општина Чаир. Во просториите на оваа општина, пратеничка канцеларија има и ВМРО-ДПМНЕ.
Од општината не информираа дека тука е и канцеларијата на пратениците на ВМРО-ДПМНЕ и дојдовме да видиме дали има некој, но за жал канцеларијата е празна и нема никој. Ниту асистенти, ниту пратеници.
Без најава, отидовме да видиме дали канцеларијата што ја користат пратениците на ВРЕДИ е функционална. Во просториите на општината се сретнавме со пратеничката Мерита Коџаџику, која не однесоа до канцеларијата.
Пратеничката истакна дека заедно со пратеникот Беким Сали, секој петок од десет часот доаѓа и ги чекаат граѓаните на средба.
„Граѓаните најчесто се интересираат за вработување, велат дека имаат проблеми со документација, државјанство, а има и такви кои долго време не добиле државјанство. Потоа следуваат проблеми со други документи кои се во зависност од потребите“, рече Коџаџику.
Канцеларијата на изборната единица 1, која ја користат пратениците на ВМРО-ДПМНЕ, се наоѓа во Карпош, на влезот на населбата Влае.
Дури и во Карпош има канцеларија на пратеници кои чекаат да ги слушнат маките на граѓаните. Канцеларијата која се наоѓа на мостот „Влајков мост“, во Карпош беше затворена. Не знам дали помошникот е на пауза или можеби денес воопшто не е тука.
Канцелариите за контакт помеѓу пратениците и граѓаните, од 2010 година се законска обврска. Меѓутоа, ако одите на официјалната веб-страница на Собранието, во делот за транспарентност на оваа институција и барате канцеларии за контакт со граѓаните, страницата не постои.
