Притисоци и закани за инспекторите за животна средина

Инспекторатот за животна средина се соочува со недостиг од инспектори кои треба да ја следат еколошката состојба на терен. Директорката на Инспекторатот Ивана Гиновска за Алсат изјави дека во моментов има недостиг од 17 инспектори, а за функционираат без пречки потребни се вкупно 40.

Advertisements

Гиновска најави дека Владата подготвува нова стратегија, со која се предвидува заеднички да работат општинските и државните инспектори. Така со над 100 инспектори би биле опфатени сите градови.

Работата на теренските инспектори не е лесна. Пејо Кировски, инспектор со 17 годишно искуство, вели дека досега има изречено многу казни за загадување на животната средина, дури и од 100 илјади или 120 илјади евра. Во најголем број случаи индустриските компании поради притисокот на инспекторите биле принудени да поставуваат филтри.

Со притисоци и закани на терен се соочи и инспекторката Ангела Темелковска.

Инспекторатот моментално има 17 инспектори за животна средина, 3 инспектори за заштита на природата и двајца инспектори за зачувување на водите./Алсат.мк

Зекирија Хаџиу