Економски раст, правда и борба против пандемијата – приоритети на новата влада

Alsat
29.08.2020 15:54

Во своето експозе, премиерот Зоран Заев рече дека приоритети на новата влада ќе бидат борбата против коронавирусот и економијата, реформа на јавната администрација со намалување за 20 проценти, ветинг во судството и градење на правната држава.

Мандаторот Заев рече дека по членството на земјата во НАТО, новата влада ќе се фокусира и на преговорите со Европската унија.

Новиот владин кабинет ќе го сочинуваат 19 министри. Артан Груби е предложен за вицепремиер и министер за политички систем, за министер за одбрана повторно е номинирана Радмила Шекеринска, нов министер за образование и наука ќе биде Мила Царовска, а за министер за надворешни работи Бујар Османи. Со министерството за финансии ќе раководи Фатмир Бесими, со министерството за внатрешни работи Оливер Спасовски, а со министерството за правда Бојан Маричиќ. За нов министерст за земјоделство е кандидиран Аријанит Хоџа, а за министер за транспорт и врски Благој Бочварски. Венко Филипче ќе продолжи да го води Министерството за здравство, Крешник Бектеши – министерството за економија, а Насер Нуредини – министерството за животна средина, а Горан Милевски – министерството за локална самоуправа. На чело на министерството за труд ќе застане Јагода Шахпаска , Јетон Шаќири во министерството за администрација и Ирена Стефоска во министерството за култура. Нови вицепремиери ќе бидат Љупчо Николовски – за борба против корупцијата, Фатмир Битиќи, за економија, Никола Димитров – вицепремиер за европски прашања.

Алсат