Во Собранието продолжи расправата по предлог буџетот за 2025 година. Заменик министерот за финансии Николче Јанкуловски, го стави фокусот на странските инвестиции, капиталните инвестиции, како и помошта за домашните и странските компании. За Агенцијата за странски инвестиции предвидени се 6,2 милијарди денари, за Агенцијата за вработување 2,3 милијарди денари
За СДСМ овој предлог буџет воопшто не е развоен. Пратеникот Фатмир Битиќи, рече дека граѓаните ќе ја доечкаат новата година со 66% јавен долг, кој најверојатно ќе се искачи на 70,8%. Тој обвини дека Владата дава приоритет на купување нов мебел и на автомобили.
“Овој буџет не е план за развој, туку рецепт за задолжување. Наша обврска е да се спротивставиме на овој пристап и да ги заштитиме интересите на граѓаните, бидејќи тие заслужуваат одговорна политика која ќе изгради стабилна и просперитетна држава. Ова пред нас не е буџет туку само отворена сметка за трошење која ќе остави финансиски пустош”, рече Фатмир Битиќи – пратеник на СДСМ.
Одговарајќи на обвинувањата на СДСМ, пратеничката на ВМРО-ДПМНЕ Дафина Стојановска упати апел.
Во својот говор Битиќи и се извини на јавноста за вчерашниот инцидент во Собранието кога беше избегнат физички судир со пратеникот на ВМРО-ДПМНЕ, Бојан Стојановски, коментирајќи го како обид да се замолчи гласот на опозицијата. Вие сте 58 пратеници, додека јас сум само 1, единствено што можете да направите е да ми го одземете животот “, рече Битиќи. Инаку, според деловникот, расправата треба да трае десет дена, при што како нов предлог се испраќа на разгледување и одобрување на пленарната седница во Собранието./Алсат.мк
Зекирија Хаџиу
